Throwing Shade, Nabihah Iqbal, será a encargada de abrir esta edición de Sinsal SON Estrella Galicia en San Simón (Redondela) o próximo día 25 de xullo ás 17.00 horas.

Procedente de Londres, onde exerce de DJ na popular emisora NTS Radio, Throwing Shade compaxina a súa faceta radiofónica especializada en grabacións de campo e sons do mundo, coa súa presencia en proxectos de música tradicional de Bali e Java.

Este 2014, debotou co seu EP 19 Jewels para o prestixioso sello No Pain In Pop –Grimes, Nite Jewel– chamando a atención dalgúns medios especializados como The Guardian que a sitúa entre os novos nomes a seguir.

A música de Throwing Shade foi descrita, con bastante acerto, como si a electrónica orgánica de James Ferraro ou Oneohtrix Point Never abrazara o dowtempo e o R&B.