Esta web inserta cookies propias para facilitar tu navegación y la de terceros derivadas de su uso en nuestra web, de medios sociales, así como para mejorar la usabilidad y temática de la misma con Google Analytics. Los datos personales no son consultadas. Si continúas navegando consideramos que aceptas su uso.

Sinsal SON Estrella Galicia

#SinsalSonEG | Illa de San Simón | Festival Sinsal 12

Sobre o evento

Festival Sinsal volve un ano máis á Illa de San Simón, unha nova edición que chega con novidades. A primeira o cambio de nome, Estrella Galicia redobla a súa aposta e o evento, na súa cuarta edición, pasa a chamarse Sinsal Son Estrella Galicia. A segunda os días, o festival pasa de dúas a tres xornadas que coincidirán o 25, o 26 e o 27 de xullo.

Outra das novidades será a distribución dos concertos. O cartel repetirase os días sábado 26 e domingo 27 e será segredo ata que o primeiro barco do día 26 chegue á illa, pero serán anunciadas as bandas do venres 25, unha xornada máis reducida que posibilitará ao público acudir dous días ao festival.

Sinsal Son Estrella Galicia comeza a navegar.

 

 

foto

 

 

cartel

barco

A illa

Sinsal Son Estrella Galicia  ten lugar no arquipélago de San Simón, dúas illas (San Simón e San Antón) situadas en plena ría de Vigo, no concello de Redondela (Pontevedra). O conxunto de illas foi empregado ó longo da súa historia como mosteiro, lazareto ou cárcere e desde o ano 1999 está catalogado como Ben de Interese Cultural. É un enclave natural privilexiado no leste da Ría de Vigo cunha grande carga de memoria histórica. [+]

barco

O Festival

A historia do Festival Sinsal remóntase a hai doce anos e caracterízase por unha identidade sonora allea as etiquetas habituais na representación musical dos nosos días.

O Festival Sinsal naceu en Vigo no ano 2003. Desde entón, organizáronse máis de 300 concertos establecendo un modelo de programación que, na actualidade, imitan outros eventos.

A extensión do Festival Sinsal na illa de San Simón acolle dende hai catro anos un dos eventos máis fermosos e especiais de cantos festivais hai durante o ano. En horario diurno, por toda a illa, dende as doce horas da mañá ata o solpor, artistas de todo o mundo xúntanse para presentar a súa música a nenos, adolescentes, adultos e maiores nunha experiencia única e sen precedentes en España. [+]

concertos

Os concertos

O cartel repetirase os días sábado 26 e domingo 27 e será segredo, pero serán anunciadas as bandas do venres 25, unha xornada máis reducida que posibilitará ao público acudir dous días ao festival.

Haberá ata tres escenarios principais repartidos polas dúas illas, ademáis dos lugares onde estarán as Músicas Escondidas.

concertos

A experiencia

Sinsal Son Estrella Galicia é algo máis que un festival de música, é un evento único. O feito de que só se poda chegar ao recinto nun barco e que sexan os asistentes os que desvelen o segredo das bandas que tocarán nunha illa que é un Ben de Interés Cultural, fan desta cita toda unha experiencia.

San Simón despide o aroma da historia, pasear pola illa é sentir o pasado baixo os pés. Mosteiro, lazareto e cárcere durante a Guerra Civil e a primeira posguerra, na actualidade a Illa de San Simón é un espazo de memoria vivo e aberto.

Os tres escenarios principais de Sinsal Son Estrella Galicia, as Músicas Escondidas que o público debe atopar e outras actividades animarán a coñecer todos os máxicos rincóns que este lugar agocha. Déixate levar pola experiencia Sinsal Son Estrella Galicia e descubre os segredos de San Simón.

experiencia

As actividades

Aparte dos concertos, como vén sendo habitual nas anteriores edicións de Sinsal Son Estrella Galicia, haberá diferentes actividades: dende as Músicas Escondidas ás actividades para nenos. Ademáis, hai espazos para relaxarse, un fermoso conxunto escultórico e diferentes paseos que percorren as dúas illas.

VENRES 25

shade

Throwing Shade

Procedente de Londres, onde exerce de DJ na popular emisora NTS Radio, Throwing Shade compaxina a súa faceta radiofónica, especializada en gravacións de campo e sons do mundo, coa súa presencia en proxectos de música tradicional de Bali e Java.

Este 2014, debutou co seu EP 19 Jewels para o prestixioso selo No Pain In Pop –Grimes, Nite Jewel– chamando a atención dalgúns medios especializados como The Guardian que a sitúa entre os novos nomes a seguir.

A música de Throwing Shade foi descrita, con bastante acerto, como se a electrónica orgánica de James Ferraro ou Oneohtrix Point Never abrazara o dowtempo e o R&B.


frikstailers

Friskstailers

Unha parella arxentina que reside en México, é un dos grupos máis destacados desta escena independiente latinoamericana. Este dúo colouse no circuíto internacional da música electrónica e o fixo gracias a unha combinación de ritmos nativos da súa Arxentina con correntes como o hip-hop, funk e o electro.

Entre os seus máis notables recoñecementos atópase o ser editados por DFA Records co seu remix para The Crystal Ark, ademáis de colaborar con remixes oficiais para Amadou & Mariam ou Gotan Project.


jagwa

Jagwa Music

Representan o estilo Mchiriku, un son basado na percusión que naceu hai 20 anos nos barrios pobres de Dar es Salaam (Tanzania). Son músicos da rúa, sen apenas máis medios que un teclado “Casio” e instrumentos de fabricación propia, que lograron unha notable fama nos escasos circuitos culturais tanzanos nos que o seu cantante é toda unha celebridade. As rimas de Jagwa poden lerse nas coloridas decoracións dos dala dala, os autobuses que abarrotan o interminable e ruidoso tráfico de Dar.


osoleone

Oso Leone

O grupo mallorquín foi a gran revelación do curso pasado co seu emocionante segundo disco Mokragora, un álbume que os levou a encabezar boa parte das listas de mellores discos nacionais.

A excelente crítica, unánime entre a prensa especializada, non pasou desapercebida para algúns dos festivais máis importantes e dende Sinsal SON Estrella Galicia parecíanos o grupo perfecto para as ondas de San Simón. Rock minimalista, folk mariñeiro e moita electrónica paisaxista que rodea e envolve todos os ambientes que o grupo é capaz de inventar.


Xenia Rubinos

A artista de Brooklyn, de sangue portorriqueño e cubano, é outra das voces imprescindibles que situou a música latina entre as novas sonoridades do século XXI. Admiradora da sempre brillante Juana Molina, porén o seu estilo está máis arraigado na tradición urbana, do jazz caribeño e rock de Nova York. Nestes anos, desde a súa posta de largo co disco Magic Trix (2012/2013), non lle faltan comparacións como (a de que é) unha especie de Björk latina do R&B. Outros medios, sitúana nesa corrente do pop “byrniano” herdeiro dos Talking Heads e que na actualidade encabezan, entre outros, Tune-Yards, Dirty Projectors e St Vincent.

SÁBADO 26 + DOMINGO 27

secreto

Cartel segredo

Como ven sendo habitual, os nomes das bandas do sábado e do domingo é segredo. Polo festival na Illa de San Simón xa pasaron nomes como Alt-J, Nite Jewel, Alela Diane, Gravenhurst, Triángulo de Amor Bizarro ou Laetitia Velma.

Para descubrir o segredo terás que vivir a experiencia de Sinsal SON Estrella Galicia.

 

MÚSICAS ESCONDIDAS – Sábado 26

whygo

Apenino é o proxecto de Marco Maril, músico galego moi coñecido na escena Pop por formar parte de Dar Ful Ful. Nesta ocasión, o artista de Santiago non só vén presentar as súas novas composicións, tamén é o protagonista da canción oficial do festival que publicaremos nun formato moi especial.

Why Go é outro grupo galego que acaba de publicar disco neste 2014, Kara. O quinteto vigués é unha das formacións máis orixinais da escena independente coa súa proposta entre o Jazz e o Pop pero, sobre todo, plantexando unha revisión contemporánea, a modo trovadoresco, que lles desmarca do resto.

 

MÚSICAS ESCONDIDAS – Domingo 27

trilitrate

Trilitrate son un trío, tamén de Vigo, cunha sorprendente sonoridade entre o folk, post-rock e música clásica. Outra das grandes revelacións do pasado 2013 e un nome máis que incorporar ao bo momento da música galega.

Caspervek Trio. E de unha das sorpresas do pasado 2013 á que pode ser a deste 2014. Trío de estudantes do Conservatorio Superior de Música de Vigo cun talento especial para integrar música clásica con popular, cine e son.

 


postal-cuadrada

Postal sonora de Sinsal SON Estrella Galicia

Si os grandes eventos deportivos teñen banda sonora, por qué un festival cultural, no que a música é a principal protagonista, vai a ser menos? Sinsal SON Estrella Galicia presenta a súa canción oficial composta por Marco Maril –Apenino– con os sons da Illa de San Simón e a colaboración na voz de Mónica Vacas –Mus–. A canción, titulada Postal Illa pode escoitarse no reproductor e será publicada nun formato moi especial, unha postal sonora que se podrá mercar durante o festival.


 


merch

Merchandising do Festival Sinsal 12 en #SinsalSonEG

Nesta edición de Sinsal Son Estrella Galicia, e dentro da programación anual do Festival Sinsal 12, presentamos un novo merchandising baseado nos deseños de tres creadores: Don Gráfica, Miralasolas e LAZO.

Durante o festival estarán á venda camisetas de muller, home e neno en diferentes cores, tallas e formatos, así como bolsos, bolsas e delantais con serigrafías feitas a man en dúas tintas e en edición limitada. [+]

 


deezer

Playlist en Deezer de #SinsalSonEG

Horarios

Venres 25


Vigo – Ida: 15:15 / Volta: 22:55
San Adrián – Ida: 15:45 e 16:15 / Volta: 22:10 e 22:50

Sábado 26


Vigo – Ida: 11:15 / Volta: 22:55
San Adrián – Ida: 11:45 e 12:15 / Volta: 22:10 e 22:50

Domingo 27


Vigo – Ida: 11:15 / Volta: 22:55
San Adrián – Ida: 11:45 e 12:15 / Volta: 22:10 e 22:50

Importante


Os barcos dende Vigo saen do peirao comercial do Porto de Vigo –de onde parten os barcos a Cangas–.
Os barcos dende San Adrián de Cobres saen dende o espigón.

Os horarios son orientativos e poden sufrir variacións alleas á organización do evento.
Se non hai problemas alleos á organización, os barcos chegarán a tempo para ver o primeiro concerto de cada xornada.
Tamén, haberá un barco de volta hacia San Adrián de Cobres (non a Vigo)  ás 20:30 con prazas limitadas para todas e todos que desexen abandonar á illa antes da hora.  A reserva pódese facer o mesmo día do festival na xanela de información.


LOCALIZACIÓN, TRANSPORTE E HOTEIS

 

En tren


Renfe ofrece descontos do 35% a todos os asistentes ao festival dende calqueira punto do país. Para obter o desconto será necesario este documento e o seu número de autorización. Renfe tamén ofrece un tutorial de compra nesta ligazón.

En avión


Iberia ofrece descontos do 15% a todos os asistentes ao festival con destino a Vigo. Para obter o desconto será necesario comprar a través desta ligazón en Iberia.com.

En coche


Cómo chegar ao Porto de Vigo.
Cómo chegar ao porto de San Adrián de Cobres.

Hoteis


Existen hoteis en Vigo que ofrecen descontos e promocións aos asistentes ao festival.
Estes son:

Illas Cíes


Este ano volveremos contar co apoio da naviera Mar de Ons, que durante a fin de semana do festival realizará descontos para visitar as Illas Cíes, na Ría de Vigo.

 

Entradas

Venres 25


Vigo (Adulto) – 28€
San Adrián (Adulto) – 25€
Vigo 
(Neno menor de 13 anos) – 6€
San Adrián (Neno menor de 13 anos) – 6€

Sábado 26


Vigo (Adulto) – 47€
San Adrián (Adulto) – 43€
Vigo 
(Neno menor de 13 anos) – 10€
San Adrián (Neno menor de 13 anos) – 10€

Domingo 27


Vigo (Adulto) – 47€
San Adrián (Adulto) – 43€
Vigo 
(Neno menor de 13 anos) – 10€
San Adrián (Neno menor de 13 anos) – 10€

Importante


O prezo da entrada inclúe a viaxe de ida e volta no barco, acceso ao festival,  gastos de xestión e impostos. O número máximo de entradas que se pode mecar por persoa son seis.

Mercar entradas


VENTA ANTICIPADA PECHADA.

 

 

FAQ

Que é Sinsal Son Estrella Galicia?

Sinsal Son Estrella Galicia é un evento organizado desde a promotora Sinsalaudio dentro do Festival Sinsal 12, unha programación anual e itinerante por toda Galicia.

Onde se desenvolve Sinsal Son Estrella Galicia?

Sinsal Son Estrella Galicia ten lugar en San Simón, dúas illas –San Simón e San Antón– situadas ao final da Ría de Vigo, no Concello de Redondela (Pontevedra). O arquipélago foi empregado durante a súa historia como mosteiro, lazareto, cárcere ou residencia. Desde o ano 1999 está catalogado como Ben de Interese Cultural.

Cando se celebra Sinsal Son Estrella Galicia?

Sinsal Son Estrella Galicia celebrarase os días 25, 26 e 27 de xullo de 2014. Nesta edición hai varias novidades. En primeiro lugar, o día 25 de xulio, entre as 17.00 e as 22.00 horas,  haberá unha xornada de apertura que contará con cinco artistas anunciados con anterioridade ao evento. Para os días 26 e 27 de xulio, entre as 13.00 e as 22.00 horas, está previsto a presentación de oito concertos e as actividades paralelas complementarias. Como noutras edicións, o cartel será segredo e repetiremos sete dos oito grupos cada xornada. Nesta edición, tendo en conta que o público do día 27 xoga coa desventaxe de coñecer aos artistas un día antes, cambiaremos a un dos oito artistas da xornada anterior.

Canto custa a entrada de Sinsal Son Estrella Galicia e que tipos de entrada hai?

As entradas para a xornada reducida do venres 25 custan 25€ desde San Adrián e 28€ desde Vigo.

As entradas para o sábado e  o domingo custan 43€ desde San Adrián e 47€ desde Vigo.

As entradas para menores de 13 anos custan 6€ o venres e 10€ o sábado ou domingo, tanto si saen de San Adrián como dende Vigo.

O prezo da entrada inclúe a viaxe de ida e volta no barco, acceso ao festival, os gastos de xestión e os impostos.

O número máximo de entradas que se pode mecar por persoa son 6.

Podo cambiar ou cancelar a miña entrada?

Unha vez adquirida a entrada non será cambiada e non será devolto o importe. A adquisición da mesma é en firme salvo nos casos de cancelación ou cambio de data do evento. As entradas non son nominativas e o poseedor da mesma é o que ten o dereito a acceder ao evento.

No caso de ter algún problema coas entradas e necesitedes canxealas ou trocalas, a organización de Sinsal Son Estrella Galicia pon a vosa disposición as nosas redes sociais para buscar outros compradores.

Como podo chegar a Sinsal Son Estrella Galicia en transporte público ou en coche? Onde podo aparcar?

A Sinsal Son Estrella Galicia chégase cos barcos que saen dende os portos de San Adrián de Cobres e Vigo. Hai zonas de aparcadoiro en San Adrián e, tamén, preto ao peirao de Vigo.

As persoas con problemas de movilidade que desexen asistir, por favor contacten con nós en festival@sinsalaudio.org.

Que pasa se perdo o barco que me leva á illa?

A organización non se responsabiliza da perda do transporte por parte do público. A organización fará o intento de colocar noutro barco a quen perda o seu turno de transporte, pero advertimos que si as seguintes viaxes están completas non podemos comprometernos a buscar unha praza xa que incumpririamos o aforo.

Cales son os horarios de Sinsal Son Estrella Galicia?

Venres 25 de xullo (Vigo) – Ida: 15:15 / Volta: 22:55.

Venres 25 de xullo (San Adrián) – Ida: 15:45 e 16:15 / Volta: 22:10 e 22:50.

Sábado 26 e domingo 27 de xullo (Vigo) – Ida: 11:15 / Volta: 22:55.

Sábado 26 e domingo 27 de xullo (San Adrián) – Ida: 11:45 e 12:15 / Volta: 22:10 e 22:50.

É necesario acudir aos portos con 20 minutos de antelación á hora de partida.

SAÍDAS:

Os barcos dende Vigo saen do peirao comercial do Porto de Vigo –de onde parten os barcos a Cangas–.

Os barcos dende San Adrián de Cobres saen dende o espigón.

Os horarios son orientativos e poden sufrir variacións alleas á organización do evento.

Se non hai problemas alleos á organización, os barcos chegarán a tempo para ver o primeiro concerto de cada xornada.

Tamén, haberá un barco de volta hacia San Adrián de Cobres (non a Vigo)  ás 20:30 con prazas limitadas para todas e todos que desexen abandonar á illa antes da hora.  A reserva pódese facer o mesmo día do festival na xanela de información.

Onde podo durmir se vou a Sinsal Son Estrella Galicia?

Hoteis recomendados pola organización para os asistentes a Sinsal Son Estrella Galicia. Ao reservar, comentar que se asiste ao festival:

Hotel Mar de Vigo [+]
Hotel Bahía [+]
Hotel America [+]
Hotel Plaza [+]
Hotel del Mar [+

Cal é a idade mínima para ir a Sinsal Son Estrella Galicia?

Non hai idade mínima nin máxima para acudir a Sinsal Son Estrella Galicia.

Haberá comida e bebida en Sinsal Son Estrella Galicia? A que prezo? Haberá comida apta para veganos/vexetarianos?

Si que haberá comida e bebida en Sinsal Son Estrella Galicia. Teremos varias opcións para comer: un menú previa reserva –mais info en breve–  e outras ofertas como tapas, empanadas, pizzas, bocadillos e buffete de ensaladas.

Entre a oferta de alimentos haberá opcións para vexetarianos e veganos. 

Podo levar a miña propia comida e bebida?

En Sinsal Son Estrella Galicia, SI que está permitido levar comida e bebidas sen alcohol.

Moi importante:  por razóns de seguridade a organización ten que rexistrar as mochilas e non se permitirá o acceso á illa con envases de cristal ou latas. Tampouco estarán permitidos tenedores, coitelos e navallas de metal –si se pode acceder cos de plástico–.

Segundo a lexislación vixente, debemos efectuar un rexistro de mochilas antes de entrar na illa. Para axilizar o acceso, solicitámoslle aos asistentes que teñan as súas mochilas accesibles e abertas. Grazas pola vosa colaboración!

Ademáis, tal e como se fai noutras illas protexidas –Ons ou Cíes– solicitamos a colaboración do público que visite San Simón con comida e recipientes de plástico, recollendo e depositando os desperdicios correspondentes nos contenedores de cada porto –Cobres e Vigo–.

Pódese fumar en Sinsal Son Estrella Galicia?

Si que se pode fumar en Sinsal Son Estrella Galicia, pero só nas zonas sinaladas e facendo uso dos cinceiros portátiles.

Por que é importante coidar o entorno medioambiental da illa de San Simón? Por que Sinsal Son Estrella Galicia di ser un festival sostible?

O conxunto de illas de San Simón é un Ben de Interese Cultural e un espazo natural protexido que debemos coidar entre todos.

É importante que o que hoxe gozamos nós, poida continuar no futuro. Por este e outros motivos, Sinsal Son Estrella Galicia afástase da idea de festival multitudinario, ofrecendo unha serie de actividades nun espazo natural onde o público e o seu benestar é un pilar central do proxecto.

Debo levar diñeiro en efectivo a Sinsal Son Estrella Galicia?

Si, debes levar diñeiro en efectivo xa que en Sinsal Son Estrella Galicia non dispoñemos nin de caixeiros nin de sistemas de pago con tarxeta.

Que se pode facer en Sinsal Son Estrella Galicia á parte de ver os concertos?

Ademáis dos concertos, en Sinsal Son Estrella Galicia haberá actividades paralelas, espazos de descanso, un fermoso conxunto escultórico e diferentes paseos polas dúas illas.

Podo ir a Sinsal Son Estrella Galicia cos meus fillos?

Si, podes vir cos teus fillos. Sinsal Son Estrella Galicia é un evento ideal para pasar o día en familia.

Podo facer fotos ou gravar vídeos en Sinsal Son Estrella Galicia?

Só está permitido sacar fotos se estas van ser gardadas ou usadas en redes sociais persoais, nunca con fins de lucro, e sempre protexendo a intimidade e a privacidade do resto dos asistentes do evento.

Son periodista/fotógrafo, como podo acreditarme? Hai sala de prensa?

Si, podes solicitar unha credencial ata o 15 de xullo neste correo electrónico: prensa@sinsalaudio.org

Disporemos dunha pequena sala de prensa onde deixar material e espazo no que escribir e traballar.

Hai Wi/Fi e cobertura móbil en Sinsal Son Estrella Galicia?

Hai Wi/Fi na zona de prensa e boa cobertura móbil na maioría de puntos da illa.

Podo bañarme na illa ou chegar nela co meu barco?

Non, por motivos de seguridade básicos, non permitimos o baño na illa xa que se trata dunha zona rochosa con mareas cambiantes. Por este motivo tampouco permitimos o acceso en embarcacións que non sexan oficiais.

Que debería levar a Sinsal Son Estrella Galicia?

A Sinsal Son Estrella Galicia é importante levar roupa cómoda que te permita estar fresco durante as horas de calor e máis abrigado á última hora, no solpor. Moitos dos asistentes traen toallas e esteiras para poder sentarse e deitarse no chan con máis comodidade. Tamén é importante protexerse do sol con gafas, sombreiros e crema protectora.

IMPORTANTE: Condicións da compra de entradas

A adquisición da entrada supón a aceptación das seguintes condicións:

1. A TÚA ENTRADA.

1.1. A natureza xurídica da entrada é a de título valor, conforme ao disposto na lexislación vixente.

1.2. Unha vez adquirida a entrada non será cambiada nin será devolto o seu importe sendo a adquisición da mesma en firme, salvo nos casos de cancelación ou cambio de data del Festival

1.3. Existen dous tipos de entradas con dereito a transporte:

I) Entrada Normal: Outorga dereito ao acceso á Illa durante un só día e exclusivamente para o día que conste na entrada.

II) Entrada menores de 13: Outorga dereito ao acceso á Illa durante un só día e exclusivamente para o día que conste na entrada.

1.4. A admisión, sen prexuízo do reflectido nestas condicións en canto ao dereito de admisión, queda supeditada ao feito de dispor da entrada completa en condicións adecuadas. A entrada dispón de diferentes medidas para asegurar a súa autenticidade. A Organización no se fai responsable das entradas que non se adquiriran no punto de venda oficial. Toda entrada emendada, ou con indicios de falsificación, autorizará ao organizador a privar ao seu portador do acceso á Illa, reservando a Organización o dereito a emprender as medidas legais oportunas, contra calquera posuidor de entradas emendadas ou falsas.

1.5. As entradas só poderán ser adquiridas a través do sitioticketea.com e entradasgo.com, a entrada deberá ser impresa por vostede mesmo (Servizo Novagalicia). A Organización advirte expresamente que ditas entradas non poderán ser recollidas en ningún despacho de billetes

1.6. A Organización terá dereito a denegar o acceso ao recinto do portador da entrada no caso de detectar calquera anomalía na mesma. A detección de calquera uso fraudulento da ferramenta de impresión en casa será perseguida conforme a lexislación vixente, incluíndo responsabilidades de tipo penal.

1.7. A posesión da entrada non da dereito ao seu posuidor ou a terceiros a utilizar a mesma, e o seu contido, con fins publicitarios, de marketing ou de promoción (incluídos, enunciativa pero non restritivamente, concursos, regalos e/ou sorteos). O incumprimento deste punto obrigará ao anunciante e/ou usuario non autorizado a facer efectivo o pago dunha sanción equivalente a mil veces o prezo da entrada de maior importe do evento, sen prexuízo de posteriores reclamacións por danos e prexuízos xerais. Así mesmo a súa entrada quedará anulada con carácter inmediato.

2. TRANSPORTE.

2.1. O adquirente da entrada responsabilízase de confirmar no momento da compra o punto de embarque e horario elixido para o mesmo. A Organización queda exonerada de calquera responsabilidade pola perda do transporte no horario e punto de partida que conste na entrada. Calquera cambio e/ou modificación que se pretenda realizar do transporte ocasiona a perda do dereito a transporte e polo tanto do dereito de acceso á Illa.

2.2. O acceso á Illa está prohibido por calquera outro medio que non sexa o transporte habilitado pola organización.

2.3. Será necesario presentarse no punto elixido 20 minutos antes da hora fixada para a saída do barco. Nese momento procederase á comprobación da entrada e embarque.

2.4. Calquera incumprimento das presentes condicións facultará á Organización para denegar o acceso á Illa sen que elo xere dereito algún de reembolso ou compensación a favor do propietario da entrada.

3. DEREITO DE ADMISIÓN.

3.1. Non se permitirá o acceso á Illa con bebidas alcohólicas, pero sí con bebidas sen alcohol e sen tapón e con comida.

3.2 Non está permitida a entrada de animais de compañía excepto cans guía.

3.3. Acceso de menores:

i) Os menores ata os 14 anos deberán ir acompañados dun maior de idade y ter abonado o prezo da entrada que corresponda ao menor.

ii) Calquera menor de idade será expulsado se consume bebidas alcohólicas ou tabaco.

4. DEREITOS DE PROPIEDADE INTELECTUAL E IMAXE.

4.1. A Organización ostenta e é titular de todos os dereitos de imaxe e propiedade intelectual derivados, directa ou indirectamente, das presentacións artísticas ou calquera outras que deran lugar con motivo da celebración do Festival. Polo tanto, queda terminantemente prohibida a captación, filmación ou gravación de imaxes ou sons sen a previa autorización escrita da Organización.

4.2. O público asistente consinte a súa aparición en imaxes tomadas por calquera medio para a súa posterior difusión promocional e/ou comercial do Festival.

5. RESERVA LEGAL.

A Organización estará lexitimada para tomar medidas legais,tanto civís como penais que estime oportunas contra os causantes de calquera intento de estafa, entrada non autorizada e/ ou por danos causados á Organización, directa ou indirectamente.

6. SUSPENSIÓN, CANCELACIÓN OU ANULACIÓN DO ACTO.

6.1. A Organización resérvase o dereito de alterar, modificar ou suspender o programa en calquera momento.

6.2. No caso de cancelación total, a Organización realizará todas as xestión posibles para establecer as novas datas nas que celebrará o evento.

6.3. No suposto no que procedese a devolución do importe da entrada por razón que fose, esta realizarase por o mesmo medio no que foi adquirida. O custo de distribución que a canle de venda aplica ao prezo da entrada, non será devolto en ningún caso pola Organización, dado que esta non é receptora de dito importe e que a prestación deste servizo se atende realizada no momento da compra da entrada.

6.4. A cancelación, total ou parcial, por causas de forza maior en ningún caso darán lugar á devolución do importe da entrada

7. PRESERVACIÓN DA ILLA

Queda totalmente prohibido deixar residuos fóra dos contedores do lixo habilitados para este efecto.

Para o consumo de bebidas darase un vaso entregando 1 euro como depósito. Dito importe será devolto no momento no que o usuario entregue o vaso no lugar onde o recolleu.

8. PROHIBICIÓNS

8.1. Non está permitido bañarse na costa das dúas Illas.

8.2. Non se pode facer lume ou levar camping gas.

8.3  Fumar fóra das áreas sinaladas.

8.4 Subir ás árbores ou alterar a vexetación da illa.

8.5 Intervir e danar o patrimonio material.

Blog

Últimas entradas no blog:

Prensa

prensa


Prensa

Ligazóns de descarga de material para prensa dixital e prensa escrita:

Para contactar con prensa podes escribirnos un correo electrónico a prensa@sinsalaudio.org.

Contacto

Contacto